வழக்கமாக அலுவலகம் செல்லும் பலரும் மெட்ரோ ரயில் சேவையை பயன்படுத்தினர். இதையொட்டி திருமங்கலம், ஷெனாய் நகர், ஆலந்தூரில் ஏராளமானோர் காத்திருந்தனர். வழக்கமாக காலை 8 மணிக்கு தொடங்கி இரவு 8 மணி வரை ரயில்கள் இயக்கப்படும். இந்நிலையில் அலுவலகம் செல்லும் மக்களின் வேண்டுகோளுக்கு இணங்க காலை 7 மணி முதல் மெட்ரோ சேவை தொடங்கப்பட்டுள்ளது.
பிஸியான நேரங்களில் மணிக்கு ஒருமுறையும், மற்ற நேரங்களில் 10 நிமிடங்களுக்கு ஒருமுறையும் ரயில்கள் இயக்கப்படுகின்றன. கொரோனா தொற்று பரவலைத் தடுக்கும் வகையில் தொடர்பற்ற டிக்கெட்கள் பயன்படுத்தப்பட்டு வருகிறது. அதன்படி ஸ்மார்ட் கார்டுகளும், கியூ.ஆர் கோட் ஸ்கேன் செய்யும் டிக்கெட் சேவையும், ஆன்லைன் வாயிலான பணப்பரிமாற்ற முறையும் ஏற்பாடு செய்யப்பட்டுள்ளது.
சென்னை மெட்ரோ ரயிலில் எப்படி பயணிக்க வேண்டும்? பயணசீட்டு வழிமுறைகள் மாற்றம்…
இதனால் நீண்ட வரிசைகளில் பயணிகள் காத்திருக்க வேண்டிய அவசியமில்லை. டிக்கெட் பெறும் இயந்திரத்தின் முன்பு நின்று விரைவில் டிக்கெட் பெற்றுக் கொள்ளலாம். இதன்மூலம் பயணிகளின் நேரம் வீணாவது தவிர்க்கப்பட்டுள்ளது. பயணிகள் அனைவரும் முகக்கவசம் அணிய வேண்டும் என்று அறிவுறுத்தப்பட்டுள்ளது. ரயில் நிலையங்களுக்குள் நுழையும் போது பயணிகளின் உடல் வெப்பநிலை பரிசோதிக்கப்படும்.
மேலும் சானிடைசர்களும் வழங்கப்படுகிறது. மெட்ரோ ரயில்கள் முழுவதுமாக மூடப்பட்டு குளிர்சாதன வசதியுடன் இயங்கும். இதேபோல் ரயில் நிலையங்களில் குளிர்சாதன வசதி செய்யப்பட்டிருக்கும். இந்த சூழலில் புத்துணர்ச்சி மிக்க காற்றை பெறும் வகையில் குறிப்பிட்ட வெப்பநிலையில் மெட்ரோ ரயில் மற்றும் ரயில் நிலையங்களில் பிரத்யேக ஏற்பாடு செய்யப்பட்டுள்ளது.
Source: https://tamil.samayam.com/latest-news/chennai-news/after-5-months-cmrl-resumed-its-rail-services-today/articleshow/77972161.cms
