சென்னை டூ குமரிக்கு காரில் பயணம்.. மாணவியை ஏமாற்றி நட்டநடு சாலையில் காரில் உல்லாசமாக இருந்த காசி – Oneindia Tamil

இந்த நிலையில் காசி தன்னை காதலிப்பது போல நடித்து ஏமாற்றியதோடு பணத்தையும் மிரட்டி பறித்துவிட்டதாக சென்னை மாணவி ஒருவர் புகார் அளித்தார். அதன்பேரில் காசி மீது மேலும் ஒரு வழக்கு பதிவு செய்யப்பட்டது. இந்த வழக்கு தொடர்பாக காசியிடம் சிபிசிஐடி போலீஸார் விசாரணை நடத்தி வருகிறார்கள்.

முதற்கட்ட விசாரணையில் சென்னை மாணவியுடன் காசிக்கு பழக்கம் ஏற்பட்டது எப்படி என்பது குறித்தும் அவரை காசி எப்படியெல்லாம் பயன்படுத்திக் கொண்டார் என்பதும் குறித்தும் பரபரப்பு தகவல்கள் வெளியாகியுள்ளன. சென்னையைச் சேர்ந்த அந்த மாணவியுடன் இன்ஸ்டாகிராம் மூலமாக காசிக்கு பழக்கம் ஏற்பட்டுள்ளது.

இருவரும் இன்ஸ்டாவில் பேசி பழகினர். பின்னர் அந்த பெண்ணை காதலிப்பதாக கூறி காசி நேரில் சென்னைக்கு சென்று அந்த மாணவியை சந்தித்துள்ளார். மேலும் அந்த மாணவியும் சென்னையிலிரு்து கன்னியாகுமரிக்கு வருமாறு கூறியுள்ளார். அப்போது 4 வழிச்சாலையில் காரை நிறுத்திவிட்டு ஆசை வார்த்தைகள் கூறி காரில் வைத்தே உல்லாசம் அனுபவித்ததாக கூறப்படுகிறது.

அந்த நேரத்தில் தனது கைக்கடிகாரம் மற்றும் செல்போன் மூலம் ரகசியமாக வீடியோ எடுத்துவிட்டார். மேலும் அந்த வீடியோவை காட்டி மிரட்டி மாணவியிடம் பணம் பறிப்பு செயலிலும் ஈடுபட்டுவிட்டார். இது தொடர்பான விவரங்களை அந்த மாணவி தனது புகாரில் கூறிவிட்டார்.

மாணவியிடம் இருந்து எவ்வளவு பணத்தை காசி மிரட்டி பறித்தார் என்பது குறித்து போலீஸார் விசாரணை நடத்தி வருகிறார்கள். லேப்டாப்பில் முக்கிய தகவல்கள் உள்ளதா என்பது குறித்தும் சைபர் கிரைம் போலீஸார் விசாரணை நடத்தி வருகிறார்கள்.