யார்னு பார்த்தீங்களா.. தலையில கிரீம் கலர் தொப்பி.. நார்த் மெட்ராஸ் ஜேம்ஸ் பாண்ட்.. சூப்பரப்பு! – Oneindia Tamil

சென்னைச் செய்திகள்

சென்னை: கிரீம் கலர் டிரெஸ்ஸில், கிரீம் கலர் தொப்பி போட்டுக் கொண்டு.. போட்டோவில் ஒரு லுக் விட்டுக் கொண்டிருக்கிறார் அமைச்சர் ஜெயக்குமார்.

இப்போதெல்லாம் அமைச்சர் ஜெயக்குமாரின் ஃபேஸ்புக் பக்கத்தில் நுழைவதற்கே சற்று மிரட்சியாக உள்ளது.. விதவிதமாக போட்டோக்களில் ஸ்டைலாக நின்று கொண்டிருக்கிறார்.

இடுப்பில் கை வைத்து கொண்டு மீனவ கிராமங்களை பார்வையிடுகிறார்.. இன்னொரு போட்டோவில் மீனவ குழந்தைகளை இடுப்பில் தூக்கி வைத்து கொஞ்சி கொண்டிருக்கிறார்.

சீரியஸ்

இன்னொரு போட்டோவில் அதிகாரிகள் புடைசூழ, ஏதோ ஆவணங்களை சீரியஸாக சரிபார்த்து கொண்டிருக்கிறார். இப்படி வகை வகையாக போட்டோக்களை போட்டு, நம்மை மிரட்டி கொண்டிக்கும் ஜெயக்குமார், இன்னொரு போட்டோவையும் பதிவிட்டுள்ளார்.

கண்ணாடி

அப்படி ஒரு போட்டோவில் யாருமே இதுவரை அவரை பார்த்திருக்க மாட்டார்கள்.. கிரீம் கலர் டிரெஸ், அதற்கு மேட்சாக ஒரு தொப்பி, கண்ணாடி அணிந்திருக்கிறார்.. பார்ப்பதற்கு மெய்யாலுமே ஜேம்ஸ் பாண்ட் மாதிரியே இருக்கிறார்.. இந்த போட்டோவை யார் எடுத்தார்கள் தெரியவில்லை.. குளோஸ்அப்பில் எடுக்கப்பட்டிருப்பதால், இன்னும் மிரட்டலாக இருக்கிறது. இவரே எடுத்த செல்பி என்கிறார்கள்.

கெட்-அப்

இதை பார்த்த பலரும் ஒருவேளை அமைச்சர், ஜேம்ஸ்பாண்டாக நடிக்க களமிறங்க போகிறாரோ என்று சந்தேகங்களை எழுப்பி வருகிறார்கள். சொல்ல முடியாது, திடீரென ஆடுபவர், திடீரென பாடுபவர், திடீரென குழந்தைகளோடு கேரம்போர்டு விளையாடுபவர், திடீரென நடித்தாலும் நடிப்பார் என்று சொல்கிறார்கள்.. இப்படி எதுக்காக ஜேம்ஸ்பாண்ட் மாதிரி கெட்டப்பில் செல்பி எடுத்து கொண்டீர்கள் என்று கேட்டால், சும்மா ஜாலிக்காக எடுத்துக்கிட்டேன்.. காலேஜ் ஞாபகம் வந்துடுச்சு.. அதான்” என்கிறார்.

பிரச்சனைகள்

ஆனால், ஒருவிஷயத்தில் அமைச்சர் ஜெயக்குமாரை பாராட்டியே ஆக வேண்டும்.. தனக்கு எதிராக பிரச்சனைகள், சூழ்ந்தாலும், பழிவாங்கல்கள் தொடர்ந்தாலும், விமர்சனங்கள் எழுந்தாலும், சர்ச்சைகள் கிளம்பினாலும், எதுவானாலும் அசால்ட்டாக தூக்கி போட்டுவிட்டு அடுத்த அடிக்கு முன்னேறி கொண்டிருக்கிறார். அதிலும் அதே புன்சிரிப்புடன் அனைத்தையும் எதிர்கொள்ளக்கூடிய ஆற்றலும் நிறைந்தவராக இருக்கிறார்.

கலவை

தன் துறை மட்டுமின்றி, பொதுமக்கள் யாராவது புகார்களை கொண்டுவந்தால், அதையும் உடனடியாக தீர்த்து வைத்து அனுப்பி வைக்கிறார். என்னதான் எதிர்க்கட்சிகளுக்கு சீரியஸான பதில்களை அடிக்கடி சொல்லி திணறடித்தாலும், ஏதாவது வித்தியாசமான ஒன்றை செய்வதில் ஆர்வமுடையவராகவும் இருக்கிறார். ஆக மொத்தத்தில், சீரியஸ் & டேக் இட் ஈசி என ரெண்டும் கலந்த கலவையாக நடைபோட்டு கொண்டிருக்கிறார் ஜெயகுமார்!

– பதிவு இலவசம்!

Source: https://tamil.oneindia.com/news/chennai/minister-jayakumars-james-bond-selfie-becomes-viral-on-socials-403045.html