சென்னை அரசு மகப்பேறு மருத்துவமனை தீ விபத்து:47 குழந்தைகளும் பாதுகாப்பாக உள்ளனர்: அமைச்சர் சேகர் பாபு – Oneindia Tamil

இதன்பின்னர் செய்தியாளர்களிடம் அமைச்சர் சேகர்பாபு கூறியதாவது: மருத்துவமனையின் 2-வது தளத்தில் மருத்துவர்கள் தங்கியிருக்கும் அறையின் குளிர்சாதன பெட்டியில் மின்கசிவால் தீ விபத்து ஏற்பட்டது. இதனால் குழந்தைகள் அவசர சிகிச்சை பிரிவில் புகை மூட்டம் பரவியது.

இதையடுத்து மருத்துவமனையில் சிகிச்சை பெற்று வந்த 47 குழந்தைகளும் பாதுகாப்பாக வேறு அறைகளுக்கு மாற்றப்பட்டனர். தற்போது புகை மூட்டத்தால் அவதிப்படும் குழந்தைகளுக்கு தீவிர சிகிச்சை அளிக்கப்பட்டு வருகிறது.

தீ விபத்து தகவல் அறிந்த முதல்வர் மு.க.ஸ்டாலின், மருத்துவமனைக்கு வருகை தர இருந்தார். கொரோனா தொற்று காலம் என்பதால் மக்கள் கூட்டம் கூடுவர்; அதனால் தவிர்த்துவிடுமாறு நாங்கள் கேட்டுக் கொண்டதால் முதல்வர் மு.க.ஸ்டாலின் பார்வையிட வரவில்லை.

இந்த மருத்துவமனையில் அனைத்து பகுதிகளும் உடனடியாக ஆய்வு செய்யப்படும். எதிர்காலத்தில் இதுபோன்ற விபத்துகள் நிகழாத வகையில் உரிய நடவடிக்கை மேற்கொள்ளப்படும். இவ்வாறு அமைச்சர் சேகர் பாபு தெரிவித்தார்.