சென்னையில் பிரபல ரவுடி சிடி மணி நள்ளிரவில் கைது.. தலைமறைவாக இருந்தவரை தூக்கிய தனிப்படை! – Oneindia Tamil

மேலும் சென்னை மட்டுமல்லாமல் தமிழகம் முழுவதும் சுற்றித்திரியும் ரவுடிகள் மீது குண்டர் சட்டம் பாயும் என காவல்துறையினர் அதிரடியாக தெரிவித்தனர். மேலும் பல்வேறு நிலுவையில் உள்ள வழக்குகள் பதியப்பட்டுள்ள சி.டி மணி தலைமறைவாக இருந்து உள்ளார்.

திண்டுக்கல்லை சேர்ந்த பிரபல தாதா ஒருவருடன் இவருக்கு பழக்கம் ஏற்பட்டு அவர் மறைந்தவுடன் மணி தலைமையில் ஒரு புதிய ரவுடி கும்பல் உருவானது. இவர் இதுவரை 3 முறை குண்டர் சட்டத்தில் கைது செய்யப்பட்டார். சென்னை அண்ணா சாலையில் நாட்டு வெடிகுண்டு வீசப்பட்ட சம்பவத்தில் சிடி மணியை கொலை செய்ய முயற்சி நடந்தது.

இந்த விவகாரத்தில் 4 பேர் மதுரை மாவட்ட குற்றவியல் நீதிமன்றத்தில் சரணடைந்தனர். இவர்கள் தேனாம்பேட்டையில் பைக்கில் வந்து சிடி மணி, காக்கா தோப்பு பாலாஜி ஆகியோர் மீது வெடிகுண்டு வீசியதாக காவல் துறை தரப்பில் கூறப்படுகிறது.

இதையடுத்து சிடி மணி எங்கே இருக்கிறார் என்பது குறித்து தனிப்படை போலீசார் ரகசிய தகவல் கிடைத்த அடிப்படையில் நேற்று நள்ளிரவு சென்னை அடுத்த நாவலூரில் தங்கியிருந்த இடத்தில் கைது செய்யப்பட்டு ரகசிய இடத்தில் போலீசார் தீவிரமாக விசாரணை மேற்கொண்டு வருகின்றனர்.