#LPL2021 ருத்துராஜ் சதமடித்தும் வீழ்ந்த சென்னை சூப்பர் கிங்ஸ்.. அதிரடி ஆட்டத்தால் ராஜஸ்தான் அபார வெற்றி! – Kalaignar Seithigal

சென்னைச் செய்திகள்

சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகளுக்கிடையேயான ஆட்டம் நடந்து முடிந்திருக்கிறது. இந்த போட்டியில் ராஜஸ்தான் அணி 7 விக்கெட் வித்தியாசத்தில் வென்றிருக்கிறது. ருத்துராஜ் கெய்க்வாட் அற்புதமான சதமடித்தும் சென்னை அணி தோல்வியை தழுவியிருக்கிறது.

சென்னை அணியே முதலில் பேட் செய்திருந்தது. வழக்கம்போல டூப்ளெஸ்சிஸும் ருத்துராஜ் கெய்க்வாட்டும் சிறப்பான தொடக்கமே கொடுத்திருந்தனர். முதல் விக்கெட்டுக்கு 47 ரன்களை சேர்த்திருந்தனர். டூப்ளெஸ்சிஸ் 25 ரன்களில் ராகுல் திவேதியாவின் பந்துவீச்சில் இறங்கி வந்து ஆட ஆசைப்பட்டு ஸ்டம்பிங் ஆகியிருந்தார். இதன்பிறகு, ரெய்னா , மொயீன் அலி மாதிரியான வீரர்கள் அடுத்தடுத்து வந்தாலும் ஒரே ஆளாக நின்று அசத்தியது என்னவோ ருத்துராஜ் கெய்க்வாட்தான்.

முதலில் மெதுவாக இன்னிங்ஸை தொடங்கியிருந்தார். ஒரு பந்துக்கு ஒரு ரன் என்ற விதத்திலேயே அவரின் ரன் விகிதம் இருந்தது. ஆனால், பவர்ப்ளே முடிந்த பிறகு மெதுமெதுவாக கியரை மாற்ற தொடங்கி வேகம்பிடித்தார். 43 பந்துகளில் 50 ரன்களை எடுத்திருந்தார். இதன்பிறகு, ஜெட் வேகத்தில் பாய்ந்தார். கடைசி 17 பந்துகளில் மட்டும் 51 ரன்களை எடுத்திருந்தார். ருத்துராஜ் கெய்க்வாட்டை பொறுத்தவரைக்கும் அவர் ஸ்பின்னர்களை எதிர்கொள்ளும் விதத்தை அனைவரும் பாராட்டி வருகின்றனர்.

Source: https://www.kalaignarseithigal.com/sports/2021/10/03/rr-v-csk-rajasthan-beat-chennai-by-seven-wickets