திமுகவுக்கு பிரியா கொடுத்த டிமிக்கி; சர்ச்சையில் சிக்கிய சென்னை மேயர்! – Tamil Samayam

சென்னைச் செய்திகள்

சென்னை மாநகரின் முதல் பெண் மேயர் என்ற பெருமைக்கு உரியவராக பிரியா திகழ்ந்து வருகிறார். மேயர் பிரியா திமுக பாரம்பரிய குடும்பத்தை சேர்ந்தவர் என்பதால் அமைச்சர் சேகர்பாபு சிபாரிசின்பேரில் சென்னை மேயர் பதவி வழங்கப்பட்டதாக சொல்லப்படுகிறது.

இந்த சூழலில், சென்னை மேயராக பிரியா பதவியேற்ற நாள் முதல் சர்ச்சைகளும், இவரை பின் தொடர்ந்தபடியே தான் உள்ளது. அதாவது சென்னை மேயராக பிரியா பதவி ஏற்றபோது பிரியா கிறிஸ்தவர் என ஒரு பாதிரியார் வாழ்த்து கூறியதால் பிரச்சனை வெடித்தது.

சென்னை மேயர் பதவியை பொறுத்தவரை இந்து மதத்தை சேர்ந்த பட்டியல் சமூகத்துக்கு மட்டும் ஒதுக்கப்பட்டு இருந்த நிலையில் தி.மு.கவின் தேர்வு செல்லாது என்று, பல்வேறு இந்து அமைப்புகள் போர்க்கொடி தூக்கின.

ரஜினி மேல் ஏன் பழி போடுகிறீர்கள்? – சீமான்!

உடனே சுதாரித்துக் கொண்ட மேயர் பிரியா ‘நான் ஒரு இந்து தான்’ என்று கூறியதோடு கோயில் கோயிலாக சென்று சாமி தரிசனம் செய்து சர்ச்சைகளுக்கு அதிரடி முற்றுப்புள்ளியை வைத்தார்.

முதல்வர் ஸ்டாலின் டென்ஷன்; திருமாவளவனுக்கு நெருக்கடி!

அத்துடன் நிறுத்தி கொள்ளாமல், தன்னுடைய நெற்றியில் ஸ்டிக்கர் பொட்டுகளை வைப்பதையே பழக்கமாக கொண்டு இருந்த சென்னை மேயர் பிரியா அதனை தவிர்த்துவிட்டு குங்குமம் வைக்க தொடங்கினார்.

இந்த சர்ச்சைகள் பேரலையாக மோதி ஓய்வதற்கு முன்பாக அம்மா உணவகங்கள் பற்றி மேயர் பிரியா திருவாய் மலர்ந்து, மீண்டும் திமுக மேலிடத்தின் கோபத்துக்கு ஆளாகி போனார்.

அதாவது சென்னையில் பல இடங்களில் அம்மா உணவகங்கள் செயல்படாமல் மூடி கிடப்பதாக செய்தியாளர்களிடம் போட்டுடைத்ததால், போராட காரணம் இன்றி தவித்த அதிமுக உள்ளிட்ட எதிர்க்கட்சிகளுக்கு மேயர் பிரியா தீனி போட்டதாகவே அமைந்தது.

ரஜினிக்கு பாஜக போட்ட உத்தரவு; பம்பரமாய் சுழல அதிரடி ஏற்பாடு!

இதனால் டென்ஷன் ஆன, திமுக மேலிடம் செய்தியாளர் சந்திப்புகளை தவிர்க்குமாறு சென்னை மேயர் பிரியாவுக்கு திடீர் உத்தரவு போட்டதாகவும், அதனால்தான் மேயர் பிரியா சமீபகாலமாக செய்தியாளர்களை அதிகமாக சந்திப்பது இல்லை என்றும் பரவலாக பேசப்பட்டது.

இந்த நிலையில் தற்போது மீண்டும் சென்னை மேயர் பிரியா ஒரு பரபரப்பு குற்றச்சாட்டுக்கு உள்ளாகி இருப்பதாக தகவல்கள் வெளியாகி உள்ளன.

அதாவது செய்தியாளர் சந்திப்புகளை தவிர்க்குமாறு திமுக அறிவுறுத்தி இருந்த நிலையில் சென்னை மேயர் பிரியா சமீபகாலமாகவே விளம்பரங்களுக்கு அதிகமாக முக்கியத்துவம் தருவதாகவும், அவரை பற்றி நாள்தோறும் செய்திகள் போடுவதற்காக, முன்னணி யூ டியூப் நிறுவனங்களுடன் பிரியா இணைந்து செயல்படுவதாகவும் குற்றச்சாட்டுகள் எழுந்துள்ளது.

முதல்வர் மருமகன் சபரீசன் ஷாக்; பாஜக தரும் பலே சிக்கல்!

இதையெல்லாம் அறிந்த திமுக தலைமை, சென்னை மேயர் பதவிக்கு பிரியாவை சிபாரிசு செய்த ‘அந்த’ முக்கியமான அமைச்சரை அழைத்து, பக்குவமாக எடுத்துக் கூறி, கண்டித்து வைக்குமாறு கட்டளை பிறப்பித்துள்ளதாக தகவல்கள் வெளியாகி உள்ளது.

அதே சமயம் திமுக மேலிடத்தின் கோபத்துக்கு ஆளாகி இருப்பதை அறிந்துகொண்ட சென்னை மேயர் பிரியா அதிர்ந்து போய் கிடப்பதோடு, அடக்கி வாசித்து வருவதாகவும், ரிப்பன் மாளிகை வட்டாரத்தில் பரவலாக பேசப்படுகிறது.

Source: https://tamil.samayam.com/latest-news/chennai-news/it-has-been-reported-that-dmk-is-unhappy-with-chennai-mayor-priya/articleshow/93520161.cms