இந்திய தொழில்நுட்பக் கழகம், சென்னை (ஐ.ஐ.டி- மெட்ராஸ் – IIT Madras) அரசு மற்றும் மாநகராட்சிப் பள்ளிகளைச் சேர்ந்த 87 மாணவர்களுக்கு சேர்க்கை வழங்கியது. இந்த மாணவர்களுக்கு ‘அனைவருக்கும் ஐ.ஐ.டி.எம்’ திட்டத்தின் கீழ் இன்ஸ்டிட்யூட்டின் பி.எஸ் பாடத்திட்டத்தில் சேர்க்கை வழங்கப்பட்டுள்ளது.
இந்த 87 மாணவர்களில் 39 மாணவிகள் உள்ளனர், மேலும் தமிழகத்தில் 20க்கும் மேற்பட்ட மாவட்டங்களில் இருந்து மாணவர்கள் தேர்வு செய்யப்பட்டுள்ளனர். இந்த மாணவர்கள், இன்ஸ்டிட்யூட்டின் தரமான கல்வியை அனைவருக்கும் அணுகும் நோக்கத்துடன் 2021 ஆம் ஆண்டில் ஐ.ஐ.டி மெட்ராஸால் அறிமுகப்படுத்தப்பட்ட நான்கு வருடப் படிப்பான டேட்டா சயின்ஸ் அண்ட் அப்ளிகேஷன்ஸில் (Data Science and Applications) பி.எஸ் (BS) பட்டத்திற்கான சேர்க்கையைப் பெற்றுள்ளனர்.
இதையும் படியுங்கள்: இன்ஜினியரிங் முதலாம் ஆண்டு வகுப்புகள் தொடக்கம் எப்போது? அண்ணா பல்கலை. அறிவிப்பு
‘ஆனைவருக்கும் ஐ.ஐ.டி.எம்’ திட்டத்தின் கீழ் இந்த வாய்ப்பு வழங்கப்பட்டுள்ளது. சென்னை மற்றும் அதைச் சுற்றியுள்ள 58 அரசு மற்றும் மாநகராட்சிப் பள்ளிகளில் இருந்து தேர்ந்தெடுக்கப்பட்ட 192 மாணவர்களை ஐ.ஐ.டி மெட்ராஸ் தேர்ந்தெடுத்து ஆதரித்த ஒரு முயற்சி இது. ஐ.ஐ.டி மெட்ராஸில் 14 வார நேர நபர் பயிற்சியின் போது வெளிப்படுத்தப்பட்ட முற்போக்கான கற்றல் விளைவுகளின் அடிப்படையில், 68 மாணவர்கள் BS பட்டப்படிப்பில் சேர்க்கைக்கான அகில இந்திய தகுதித் தேர்வை எழுத பட்டியலிட்டனர்.
இந்த முயற்சியின் மூலம், தரமான கல்வியை மலிவு விலையிலும் அனைவருக்கும் கிடைக்கச் செய்வதையும் ஐ.ஐ.டி நிறுவனம் நோக்கமாகக் கொண்டுள்ளது. இந்த முயற்சியின் கீழ், ஐ.ஐ.டி மெட்ராஸ் பி.எஸ் பட்டப்படிப்பைப் படிக்கும் மாணவர்களுக்கு 75 சதவீதம் வரை வருமான அடிப்படையிலான உதவித்தொகையை வழங்குகிறது. மேலும், தமிழ்நாடு ஆதி திராவிடர் வீட்டு வசதி மேம்பாட்டுக் கழகத்தின் (TAHDCO) கூட்டு முயற்சியின் மூலம் தகுதி பெற்ற மாணவர்கள் தமிழ்நாடு அரசின் முழு நிதியுதவியைப் பெறுவார்கள்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Source: https://news.google.com/__i/rss/rd/articles/CBMilQFodHRwczovL3RhbWlsLmluZGlhbmV4cHJlc3MuY29tL2VkdWNhdGlvbi1qb2JzL2lpdC1tYWRyYXMtZ3JhbnRzLWFkbWlzc2lvbi10by04Ny1zY2hvb2wtc3R1ZGVudHMtaW4tYnMtcHJvZ3JhbW1lLWFuYWl2YXJ1a2t1bS1paXRtLWlpdG0tYWMtaW4tNTM3Mzc3L9IBAA?oc=5