இந்தியாவில் நடைபெற்று வரும் ஐபிஎல் கிரிக்கெட் தொடர் உலகளவில் பெரிய வரவேற்பை பெற்று வருகிறது. இதுவரை 15 சீசன்கள் முடிந்துள்ள நிலையில், 16-வது சீசன் அடுத்த ஆண்டு ஏப்ரல் மாதம் தொடங்க உள்ளது. இதற்கு முன்பு நடந்த 15 சீசனிகளில் 11 முறை ப்ளேஅப் சுற்றுக்கு முன்னேறியுள்ள தோனி தலைமையிலான சென்னை சூப்பர் கிங்ஸ் அணி உலகளவில் பிரபலமான அடையாமாக திகழ்கிறது.
இந்நிலையில், அடுத்த ஆண்டு நடைபெறும் 16-வது சீசனுக்காக வீரர்கள் ஏலம் கொச்சியில் இன்று நடைபெற்றது. ஏலத்திற்கு முன்னதாக 8 வீரர்களை அணியில் இருந்து விடுவித்த சென்னை அணி தற்போது ஆல்ரவுண்டர்கள் மற்றும் டாப்ஆர்டர் பேட்டர்கள் என இளம் வீரர்களை ஏலத்தில் எடுத்துள்ளது.
ஏலத்திற்குப் பிறகு, எம்.எஸ். தோனி தலைமையிலான அணி அனுபவத்தின் அடிப்படையில் நன்றாக இருக்கிறது. அதே நேரத்தில் டி-டேயில் அவர்கள் வரிசைபடுத்தப்படடால் இடைவெளிகளும் நிரப்பப்பட்டன. இதில் அணியின் மிக முக்கியமான தேர்வு இங்கிலாந்து டெஸ்ட் அணியின் கேப்டன் பென் ஸ்டோக்ஸ், அதைத் தொடர்ந்து கைல் ஜேமிசன் மற்றும் அஜிங்க்யா ரஹானே.
2023 ஐபிஎல் தொடரில் ப்ளேயிங் லெவனில் இடம்பெறும் 5 ஆல்ரவுண்டர்கள்
மொயீன் அலி
மொயீன் அலி 2018 முதல் 2020 வரை ராயல் சேலஞ்சர்ஸ் பெங்களூர் அணியில் விளையாடிய மொயின் அலி, 2021 இல் சென்னை சூப்பர் கிங்ஸ் அணிக்கு மாறினார், அதன்பிறகு பேட்டிங் பவுலிங் என அணியின் வெற்றிக்கு முக்கிய பங்களித்து வருகிறார். மொயீன் விரைவாக ரன்களை குவித்து அணியை சிக்கலில் இருந்து காப்பாற்றும் திறனுக்காக புகழ் பெற்றவர்.
அவர் ஒரு பயனுள்ள பந்துவீச்சாளர் மற்றும் நெருக்கடியான தருணங்களில் விக்கெட்டுகளை எடுக்கும் திறன் கொண்டவர். இடது கை ஆட்டக்காரரான இவர் உலகளவில் நடைபெறும் பல டி20 லீக் தொடர்பகளில் பங்கேற்க அனுபவம் கொண்டவர்.
35 வயதான மொயின் அலி கடந்த இரண்டு ஆண்டுகளில் சிஎஸ்கே அணிக்காக 25 ஆட்டங்களில் விளையாடி 602 ரன்கள் குவித்து 14 விக்கெட்டுகளை வீழ்த்தியுள்ளார். அவர் கேப்டன் தோனிக்கு டாப் ஆர்டரில் முக்கிய வீரராகவும், ஐபிஎல்லில் சிறந்த அனுபவத்துடன் பந்துவீசி வருகிறார்.
பென் ஸ்டோக்ஸ்
அற்புதமான ஆல்-ரவுண்டர், பென் ஸ்டோக்ஸ் ஐபிஎல் 2021 இல் காயம் காரணமாக விளையாடாத நிலையில் இந்த ஆண்டு இங்கிலாந்தின் டெஸ்ட் கேப்டனாகவும், ஒரு பேட்டராகவும் அவருக்கு சிறப்பாக இருந்தது. அவர் இங்கிலாந்து அணியை வழிநடத்தியு கடைசி 10 ஆட்டங்களில் 9 வெற்றிகளை பெற்றுள்ளார்
மேலும், அவரது ஆட்ட அணுகுமுறை இங்கிலாந்து அணிக்கு புது வாழ்வு தந்துள்ளது. டி20 உலகக் கோப்பை தொடரில் இறுதிப்போட்டியில் ஸ்டோக்ஸ் 49 பந்தில் 52* ரன்கள் எடுத்தது இங்கிலாந்து அணி சாம்பியன் பட்ம் வெல்ல உதவினார். 43 ஐபிஎல் போட்டிகளில், ஸ்டோக்ஸ் 920 ரன்கள் குவித்து 28 விக்கெட்டுகளை வீழ்த்தியுள்ளார். நெருக்கடியான தருணங்களைக் கையாள்வதில் அனுபவத்துடன், 31 வயதான அவர் அணியை விறுவிறுப்பான வேகத்தில் வழிநடத்த முடியும் மேலும், அவர் சென்னை அணியின் எதிர்கால கேப்டனாக பார்க்கப்படலாம்.
ரவீந்திர ஜடேஜா
திறமையான ஆல்-ரவுண்டர், ரவீந்திர ஜடேஜா கடந்த தசாப்தத்தில் இருந்து சென்னை அணி க்காக பேட்டிங் பந்துவீச்சு பீல்டிங் என சிறந்த செயல்திறன் கொண்டவர். மொத்தம் 210 ஐபிஎல் போட்டிகளில் ஜடேஜா 2502 ரன்கள் குவித்து 132 விக்கெட்டுகளை வீழ்த்தியுள்ளார். இதில் 142 ஆட்டங்களில் சென்னை அணிக்காக விளையாடியுள்ளார்.
2022 சீசனுக்கு முன்னதாக, அணியின் கேப்டனாக நியமிக்கப்பட்ட ஜடேஜா எட்டு போட்டிகளில் இரண்டில் மட்டுமே வெற்றிகளைச் பெற முடிந்தது. அதன்பின்னர் அவர் மீண்டும் கேப்டன் பொறுப்பை தோனியிடம் கொடுத்தார். மேலும், 34 வயதான அவர் காயம் காரணமாக கடைசி நான்கு போட்டிகளில் விளையாட முடியவில்லை. ஜடேஜா கடைசியாக 2022 ஆம் ஆண்டு சர்வதேச சர்க்யூட்டில் விளையாடி முழங்கால் அறுவை சிகிச்சை செய்து கொண்டார். அவர் விரைவில் களத்திற்கு திரும்புவார் என்றும் சீசன் முழுவதும் விளையாடுவார் என்று அணி நிர்வாகம் நம்புகிறது.
சிவம் துபே
இந்தியன் பிரீமியர் லீக்கில் சிவம் துபே இன்னும் தன்னை நிரூபிக்கவில்லை. ஒரு சில சீசன்கள் அற்புதமான தொடக்கங்களைப் பெற்றிருந்தாலும், குறிப்பிடப்படும்படியான ஆட்டம் இன்னும் வெளிப்படவில்லை. கடந்த ஐபிஎல் தொடரில் அவர் பல ஆட்டங்களில் சிறப்பாக விளையாடினார். குறிப்பாக ராயல் சேலஞ்சர்ஸ் பெங்களூர் அணிக்கு எதிராக சிவம் 46 ரன்களில் 95* ரன்கள் எடுத்தார். இருப்பினும், அவர் அடுத்தடுத்த ஆட்டங்களில் குறைவான ஸ்கோரைப் பெற்றிருந்தார், இதனால் ப்ளேயிங் லெவனில் இருந்து வெளியேற்றப்பட்டார்.
தற்போது அணியில் ஸ்டோக்ஸின் வருகை துபேவிற்கு ப்ளேயிங் லெவனில் இடம் கிடைப்பது சந்தேகமாக உள்ளது. ஆயினும்கூட, ஒரு மிதப்பவராகவும், எளிமையான பந்துவீச்சாளராகவும் அணியில் இருக்க வாய்ப்புள்ளது.
தீபக் சாஹர்
பவர்பிளே ஓவர்களில் புதிய பந்தின் சிறந்த எக்ஸ்போனர், தீபக் சாஹர் சென்னை அணியின் ஒரு முக்கியமான வீரராக இருந்து வருகிறார்.. இருப்பினும், பந்து வீச்சாளர் அடிக்கடி காயம் கவலைகளுடன் போராடுகிறார். 2022 சீசனில் அவர் தொடை மற்றும் முதுகு காயங்களுக்கு ஆளானதால் சீசன் முழுவதும் விளையாடவில்லை. 30 வயதான அவர் இந்த மாத தொடக்கத்திலும், வங்கதேசத்திற்கு எதிரான ஒருநாள் தொடரின் போதும் விளையாடவில்லை.
63 ஐபிஎல் போட்டிகளில், விளைாடியுள்ள சாஹர் 7.80 என்ற எக்னாமியில் 59 விக்கெட்டுகளை வீழ்த்தியுள்ளார். டெத் ஓவர்களில் ரன்களைக் கட்டுப்படுத்தும் திறனுடன், சென்னை அணியின் பந்துவீச்சு பிரிவின் முதுகெலும்பாக இருப்பார் என்று எதிர்பார்க்கப்படுகிறது.
ருதுராஜ் கெய்க்வாட்
டாப் ஆர்டரில் திறமையான பேட்டர், ருதுராஜ் கெய்க்வாட் கடந்த சில சீசனிகளில் சிஎஸ்கே அணிக்காக தொடர்ந்து ரன்களை குவித்து வருகிறார். அவர் தனது ஐபிஎல் வாழ்க்கையை 2020¸ இல் தொடங்கினார். இந்த சீசனில் அவர் ஆறு இன்னிங்ஸ்களில் 204 ரன்கள் குவித்தார் மற்றும் அடுத்த சீசனில் தனது இடத்தை உறுதிப்படுத்தினார்.
2021 சீசனில் ருதுராஜ் கெய்க்வாட் தனது சிறந்த ஃபார்மில் இருந்தார். அவர் 45.35 சராசரியில் 635 ரன்கள் குவித்து ஆரஞ்சு தொப்பியை கைப்பறிறியிருந்தார். மேலும், அவரது அருமையான பேட்டிங் சிஎஸ்கே சாம்பியன் பட்டம் வெல்ல உதவியது.
கடந்த சீசனில், கெய்க்வாட் தொடக்கத்தில் சரியாக விளையாடவில்லை என்றாலும், பிற்பாதியில் ஃபார்ம் எடுத்தார். அவர் 368 ரன்கள் எடுத்தார், அதிகபட்சமாக 99 ரன்கள் எடுத்தார் மற்றும் 2023 ஏலத்திற்கு முன்னதாக அணியில் தக்கவைக்கப்பட்டார்.
டெவோன் கான்வே
கான்வே நவம்பர் 2020 இல் நியூசிலாந்திற்காக சர்வதேச அரங்கில் அறிமுகமானார் மற்றும் அவரது வெற்றிகரமான தொடக்க வீரராக வலம் வருகிறார். அவர் டெஸ்ட் மற்றும் ஒரு நாள் சர்வதேச கிரிக்கெட் இரண்டிலும் முறையே 51 மற்றும் 42.50 சராசரியுடன் அதிக ரன்கள் எடுத்துள்ளார்.
மேலும், டி20 போட்டிகளில் 48.75 சராசரியை வைத்துள்ளார் மற்றும் சென்னை அணியில் தக்கவைக்கப்பட்டார். 2022 சீசனில், அவர் தனது திருமணத்தின் காரணமாக ஆரம்பத்தில் சில போட்டிகளைத் தவறவிட்டார், ஆனால் சீசனின் பிற்பகுதியில் ஒரு பயங்கரமான ரீ என்ட்ரி கொடுத்து விளாசினார்.
கான்வே ஏழு போட்டிகளில் 42 சராசரியாக 145.66 ஸ்ட்ரைக் ரேட்டில் மூன்று அரைசதங்களுடன் 252 ரன்கள் எடுத்தார். இந்த சீசனில் அவர் சென்னை அணிக்காக தனது சிறந்த பங்களிப்பை கொடுப்பார் என்று எதிர்பார்க்கலாம்.
அம்பதி ராயுடு
ஐபிஎல் தொடரில் மும்பை இந்தியன்ஸ், சன்ரைசர்ஸ் ஹைதராபாத் அணிகளை தொடர்ந்து சென்னை சூப்பர் கிங்ஸ் அணிகளுக்காக விளையாடியுள்ளார் அம்பதி ராயுடு. சிஎஸ்கே அணிக்காக நிலையான ஆட்டத்தை வெளிப்படுத்தி வரும் இவர் ஐபிஎல் தொடரில் அணியின் வெற்றிக்கு முக்கியப் பங்காற்றியுள்ளார். 2018 சீசனில், 16 போட்டிகளில் 43.00 என்ற சராசரியில் 602 ரன்கள் குவித்து, சென்னை அணிக்காக அதிக ரன் எடுத்தவர் என்ற சிறப்பை பெற்றார்.
ராயுடு தனது திடமான நுட்பத்திற்கும், நல்ல வேகத்தில் ரன் குவிக்கும் திறனுக்கும் பெயர் பெற்றவர். சிஎஸ்கே அணியின் முக்கிய வீரரான இவர் அவர், எதிர்காலத்தில் அணிக்காக தொடர்ந்து முக்கிய பங்காற்றுவார் என எதிர்பார்க்கப்படுகிறது.
2022 இல் ராயுடு சராசரியாக 24.91 அடித்தாலும், ஏலத்திற்கு முன்னதாக அவரது அனுபவத்தையும் சாதனையையும் நம்பி அவரைத் தக்கவைத்துக்கொள்ள சென்னை அணி முடிவு செய்தது. குறுகிய வடிவிலான போட்டிகளில் ராயுடு இதுவரை 5800 ரன்களுக்கு மேல் குவித்துள்ளார். மிடில்-ஆர்டர் பேட்டர் தனது ஐபிஎல் வாழ்க்கையை உச்சத்தில் முடிக்க விரும்புவார்.
எம்.எஸ். தோனி (கே & வி.கீ.)
சிஎஸ்கே அணியின் அஸ்திவாரம் எம்எஸ் தோனி தனது கடைசி இந்தியன் பிரீமியர் லீக் சீசனில் விளையாடுவார் என்று எதிர்பார்க்கலாம். கடந்த பதிப்பில் அணியால் சிறப்பாக செயல்பட முடியாவிட்டாலும், 2023ல் தனது அணியை சாம்பியன் பட்டத்தை நோக்கி அழைத்துச்செல்வார். 41 வயதான அவர் இதவரை 234 ஐபிஎல் போட்டிகளில் 39.20 சராசரியுடன் 24 அரைசதங்களுடன் 4978 ரன்கள் எடுத்துள்ளார்.
இருப்பினும், கடந்த சில சீசன்களாக தோனிக்கு கொஞ்சம் சராசரியாக இருந்தது பேட்டிங்கில். அவர் 2022, 2021 மற்றும் 2020 சீசன்களில் 33.14, 16.28 மற்றும் 25.00 என்ற சராசரியில் ரன்களை எடுத்தார். இந்த சீசனில், பென் ஸ்டோக்ஸ் மற்றும் ரவீந்திர ஜடேஜா தரமான பேட்டர்களுடன் தோனி ஆறு அல்லது ஏழாவது இடத்தில் களமிறங்க வாய்ப்புள்ளது. இதன் விளைவாக, அவர் 2023 பதிப்பில் ஃபினிஷராக மாறலாம்.
முகேஷ் சவுத்ரி
இடது கை வேகப்பந்து வீச்சாளர் கடந்த ஆண்டு தனது முதல் ஐபிஎல் சீசனில் விளையாடி வருகிறார். பேட்டர்களை கட்டுப்படுத்தி தொடர்ந்து விக்கெட்டுகளை வீழ்த்தினார். இருப்பினும், தொடக்கத்தில் மோசமாக ரன்களை விட்டுக்கொடுத்த முகேஷ் சவுத்ரி அதன்பிறகு சிறப்பாக பந்து வீசி தீபக் சாஹர் இடத்தை ஓரளவுக்கு பூர்த்தி செய்தார்.
13 ஆட்டங்களில் 4/46 என்ற சிறந்த புள்ளிகளுடன் 16 விக்கெட்டுகளை எடுத்தார். வேகமான வேகப்பந்து வீச்சாளர் நெருக்கடியான தருணங்களில் விக்கெட்டுகளை எடுத்தார். அவர் 2022 ஆம் ஆண்டிலும் சிறந்த உள்நாட்டு சீசனைக் கொண்டிருந்தார் மேலும் 2023 சீசனை எதிர்நோக்குவார்.
டி20 மற்றும் மற்ற இரண்டு வடிவங்களில் மிகவும் தேவையான அனுபவத்துடன், முகேஷ் ஐபிஎல் 2023 இல் சிறந்த பந்துவீச்சாளராக இருப்பார். அவர் மூன்று-நான்கு ஓவர்கள் வீச வாய்ப்புள்ளது மற்றும் சாஹருடன் ஒரு அற்புதமான ஜோடியை உருவாக்க முடியும்.
மகேஷ் தீக்ஷனா
இலங்கை சுழற்பந்து வீச்சாளர் டி20 வடிவத்தில் வளர்ந்து வரும் திறமையான வீரர்களில் ஒருவராக இருந்து வருகிறார். லங்கா பிரீமியர் லீக்கில் சிறப்பான ஆட்டத்தை வெளிப்படுத்தி இலங்கை தேசிய அணிக்குள் நுழைந்தார். 2022 டி20 உலகக் கோப்பையில் ஆறு விக்கெட்டுகளை வீழ்த்தினார்.
அவரது ஃபிளிப்பர்கள் மற்றும் துல்லியமான பந்துவீச்சுடன், சீரான முறையில் விக்கெட்டுகளை வீழ்த்தி வருகிறார். 2022 இல் தனது முதல் ஐபிஎல் சீசனில், திறமையான சுழற்பந்து வீச்சாளர் 7.46 என்ற எக்னாமியுடன் ஒன்பது ஆட்டங்களில் 12 விக்கெட்டுகளை வீழ்த்தினார்.
சுழற்பந்து வீச்சாளர்களுக்கு உதவும் சேப்பாக்கம் போன்ற மைதானங்களில், தீக்ஷனா ஒரு வெளிநாட்டு பந்துவீச்சாளராக முன்னணியில் இருப்பார். மறுபுறம், சிறிய வேகமான ஆடுகளங்களில் கைல் ஜேமிசன் அவருக்குப் பதிலாக இருக்க வாய்ப்புள்ளது.
தமிழ் இந்தியன் எக்ஸ்பிரஸின் அனைத்துசெய்திகளையும்உடனுக்குடன் டெலிகிராம் ஆப்பில் பெறhttps://t.me/ietamil
Source: https://news.google.com/__i/rss/rd/articles/CBMibWh0dHBzOi8vdGFtaWwuaW5kaWFuZXhwcmVzcy5jb20vc3BvcnRzL3RhbWlsLXNwb3J0cy1pcGwtY3JpY2tldC1jaGVubmFpLXN1cGVyLWtpbmdzLXBsYXlpbmctMTEtdXBkYXRlLTU2Mzg3Mi_SAXJodHRwczovL3RhbWlsLmluZGlhbmV4cHJlc3MuY29tL3Nwb3J0cy90YW1pbC1zcG9ydHMtaXBsLWNyaWNrZXQtY2hlbm5haS1zdXBlci1raW5ncy1wbGF5aW5nLTExLXVwZGF0ZS01NjM4NzIvbGl0ZS8?oc=5
