தமிழகத்தில் இன்றும், நாளையும் மிதமான மழை – Dinamalar

சென்னையில் நேற்று அதிகாலை பனிமூட்டம் அதிகமாக இருந்ததால், விமான சேவையில் பாதிப்பு ஏற்பட்டது.சென்னையில், சில நாட்களாக, அதிகாலையில் அதிக பனிமூட்டம் நிலவுகிறது. இதனால் நேற்று, பெங்களூருவில் இருந்து சென்னை வந்த ‘ஆகாசா’ விமானம்; கத்தார் தலைநகர் தோகாவில் இருந்து வந்த ‘கத்தார்’ விமானம் ஆகியவை, பெங்களூருக்கு திருப்பி விடப்பட்டன.இதேபோல, கோவை மற்றும் மும்பையில் இருந்து வந்த ‘இண்டிகோ’ விமானங்கள், கோவைக்கு திருப்பி விடப்பட்டன. கோல்கட்டா, ராஜமுந்திரி, புனே உட்பட பல்வேறு நகரங்களில் இருந்து, நேற்று காலை வர வேண்டிய விமானங்கள், ஒரு மணி நேரம் முதல், இரண்டு மணி நேரம் வரை தாமதமாக சென்னை வந்தன.சிங்கப்பூரில் இருந்து காலை, 9:50 மணிக்கு வர வேண்டிய, ‘ஸ்பைஸ்ஜெட்’ விமானம், மாலை, 4:00 மணிக்கு சென்னை வந்தது. பிற்பகல், 1:55 மணிக்கு சிங்கப்பூருக்கு புறப்பட வேண்டிய ‘ஸ்பைஸ்ஜெட்’ விமானம், மாலை 5:00 மணிக்கு புறப்பட்டு சென்றது.மேலும், கோல்கட்டா, பெங்களூரு உட்பட, பல்வேறு நகரங்களுக்கு செல்ல வேண்டிய விமானங்கள், தாமதமாக புறப்பட்டுச் சென்றன.