சென்னை: ரூ.3,500-க்காக நடந்த கொலை – ஆந்திராவிலிருந்தவரைக் காட்டிக் கொடுத்த செல்போன் சிக்னல்! – Vikatan

சென்னைச் செய்திகள்

சென்னை, வியாசர்பாடி, மெகசின்புரம் ரோடு பகுதியைச் சேர்ந்தவர் பன்னீர்செல்வம் (70). இவர், வீட்டில் இறந்துகிடப்பதாக கடந்த 29.12.2022-ம் தேதி வியாசர்பாடி காவல் நிலையத்துக்குத் தகவல் தெரிவிக்கப்பட்டது. இதையடுத்து பன்னீர்செல்வத்தின் சடலத்தைக் கைப்பற்றிய போலீஸார் பிரேத பரிசோதனைக்காக ஸ்டான்லி அரசு மருத்துவமனைக்கு அனுப்பி வைத்தனர். பிரேத பரிசோதனை அறிக்கையில் பன்னீர்செல்வம், கழுத்து நெரிக்கப்பட்டுக் கொலைசெய்யப்பட்டிருப்பதாக டாக்டர்கள் குறிப்பிட்டிருந்தனர். அதனடிப்படையில் வியாசர்பாடி போலீஸார், சம்பவம் நடந்த பகுதியில் உள்ள சிசிடிவி கேமரா பதிவுகளை ஆய்வு செய்தனர். மேலும் சம்பவம் நடந்தபோது அங்கிருந்த செல்போன் சிக்னலையும் போலீஸார் ஆய்வு செய்தனர்.

அரெலா மஸ்தானய்யா

இதைத் தொடர்ந்து கொலைசெய்யப்பட்ட பன்னீர்செல்வம் வீட்டுக்கு யார், யார் வந்தார்கள் என போலீஸார் விசாரித்தனர். அப்போது, பன்னீர்செல்வம் வீட்டில் கொத்தனாராக வேலை செய்த ஆந்திர மாநிலத்தைச் சேர்ந்த அரெலா மஸ்தானய்யா (44) என்பவர் அங்கு வந்து சென்றது தெரியவந்தது. அதனால் அவரிடம் விசாரணை நடத்த போலீஸார் அரெலா மஸ்தானய்யாவை தேடிபோது அவர் தலைமறைவாக இருந்தது தெரியவந்தது. அதனால் போலீஸாருக்கு அரெலா மஸ்தானய்யா மீதான சந்தேகம் வலுத்தது. அதையடுத்து அவரின் செல்போன் சிக்னலை போலீஸார் ஆய்வு செய்தபோது அது ஆந்திராவைக் காட்டியது. இதையடுத்து போலீஸார் அரெலா மஸ்தானய்யாவைப் பிடித்து விசாரித்தபோது, முதியவர் பன்னீர்செல்வத்தை அவர் கொலைசெய்ததை ஒப்புக்கொண்டார்.

Source: https://news.google.com/__i/rss/rd/articles/CBMiggFodHRwczovL3d3dy52aWthdGFuLmNvbS9uZXdzL2NyaW1lL2VsZGVyLW1hbi1tdXJkZXJlZC1pbi1jaGVubmFpLXBvbGljZS1hcnJlc3RlZC1hLWFuZGhyYS1sYWJvdXItd2l0aC10aGUtaGVscC1vZi1jZWxscGhvbmUtc2lnbmFs0gGMAWh0dHBzOi8vd3d3LnZpa2F0YW4uY29tL2FtcC9zdG9yeS9uZXdzL2NyaW1lL2VsZGVyLW1hbi1tdXJkZXJlZC1pbi1jaGVubmFpLXBvbGljZS1hcnJlc3RlZC1hLWFuZGhyYS1sYWJvdXItd2l0aC10aGUtaGVscC1vZi1jZWxscGhvbmUtc2lnbmFs?oc=5