அடுத்து, கூட்ட நெரிசலில் பெண்களின் அணிந்திருக்கும் தங்க நகைகளைப் பாதுகாக்க கழுத்துத் துணி கவசங்கள் வழங்கப்படும். பெண்களின் கழுத்தில் இந்தக் கவசங்களை அணிவித்திட தனியாக பெண் காவலர்கள் நியமிக்கப்பட்டுள்ளனர். அவர்கள் குற்றத் தடுப்பு குறித்து விழிப்புணர்வினை பெண்களுக்கு அளிப்பார்கள். மேலும் தற்காலிகக் கட்டுப்பாட்டு அறைகள், உயர் கோபுரங்கள் அமைக்கப்பட்டு சுழற்சி முறையில் காவலர்கள் பணியமர்த்தப்படுகின்றனர். அதோடு உயர்கோபுரங்களில் பணியிலிருக்கும் காவலர்கள், பைனாகுலர் மூலம் குற்றச் செயல்களில் ஈடுபடவுள்ளோர்களைக் கண்காணிப்பார்கள்.
குற்றத்தடுப்பு பணியோடு இந்த ஆண்டு கொரோனா விழிப்புணர்வு பணிகளிலும் காவலர்கள் ஈடுபடுத்தப்பட்டுள்ளனர். கூட்ட நெரிசலில் பொதுமக்களின் பாதுகாப்பிற்காக கேமராக்கள் பொருத்தப்பட்டுள்ள சீருடையில் காவல் குழுவினர் ரோந்து பணியில் ஈடுபடுவார்கள். சட்டம் ஒழுங்கு, குற்றப்பிரிவு, போக்குவரத்து காவல்கள் என அனைவரும் சுழற்சி முறையில் ஒருங்கிணைந்து பாதுகாப்பு பணியில் ஈடுபடுத்தப்படவுள்ளனர்” என்றனர்.
இந்த நிகழ்ச்சியையொட்டி போலீஸ் கமிஷனர் மகேஷ்குமார் அகர்வால் மற்றும் அதிகாரிகள், தி.நகர் உஸ்மான்சாலை, பாண்டிபஜார் பகுதிகளில் நடந்து சென்று கொரோனா விழிப்புணர்வுக்காக மாஸ்க் அணிதல், சமூகஇடைவெளி கடைப்பிடித்தல் கைகளை அடிக்கடி கழுவுதல் குறித்து துண்டு பிரசுங்களை விநியோகித்தனர். அதோடு பாதுகாப்பாக தீபாவளியை மக்கள் கொண்டாட வேண்டும் என போலீஸ் கமிஷனர் கேட்டுக்கொண்டார்.
Source: https://www.vikatan.com/news/tamilnadu/chennai-police-beefed-up-security-ahead-of-diwali-in-t-nagar
