சென்னை ஐஐடியில் தீக்குளித்த ஆராய்ச்சி மாணவர்.. நடந்தது என்ன?.. விவரிக்கும் குடும்ப நண்பர் – Oneindia Tamil

போலீஸாரின் இறுதி அறிக்கைக்காக நாங்கள் காத்திருக்கிறோம். அதை வைத்துதான் அவர் எப்படி இறந்தார் என தெரியவரும். இந்த சம்பவம் எப்போது நடந்தது என சரியான நேரம் குறித்து தெரியவில்லை. காவல் நிலையத்திற்கு அன்று மாலை 6 மணிக்கு தகவல் தெரிந்துள்ளது. அவர்கள் மாணவனின் தந்தைக்கு போன் செய்து நடந்தவற்றை தெரிவித்துள்ளனர்.

நான் சென்னையில்தான் இருக்கிறேன். எனக்கு இரவு 10.30 மணிக்கு தகவல் தெரிந்தது. இதையடுத்து காலையில் வந்தோம். அவரது தற்கொலைக்கான கடிதம் கிடைத்துள்ளது. அதை போலீஸார் எங்களிடம் காட்டினர். அந்த ஆவணங்களை பார்க்கும் போது அவரை யாரேனும் தற்கொலைக்கு தூண்டியது போல் தெரியவில்லை.

சிசிடிவி காட்சிகள் மூலம் ஐஐடிக்குள் உன்னி நுழையும் நேரம் வெளியே வரும் நேரங்களை பார்த்தோம். என்ன பிரச்சினை என்பது குறித்து போலீஸார் விசாரணை நடத்தி வருகிறார்கள். ஆனால் உன்னி எழுதிய தற்கொலை கடிதத்தை பார்த்தால் ஒரு பிரச்சினையும் இருப்பது போல் தெரியவில்லை.

6 மணிக்கு தகவல் வருகிறது. காலை 10.30 மணிக்கு ஐஐடியில் வகுப்பிலிருந்து வெளியே வந்துள்ளதாக சொல்கிறார்கள். மாலை 6 மணிக்குத்தான் தகவல் தெரிவிக்கப்படுகிறது. இடைப்பட்ட நேரத்தில் என்ன நடந்தது என தெரியவில்லை. லாக்டவுனால் அங்கு யாரும் இல்லாததால் இந்த சம்பவம் குறித்து உடனடியாக தகவல் தெரிவிக்க முடியவில்லை என்றுதான் தெரிகிறது என்றார்.