வந்தாரை வாழ வைக்கும் சென்னை.. இன்று கொரோனாவின் பிடியில் சிக்கித் தவிப்பு.. பலி எண்ணிக்கை கிடுகிடு – Oneindia Tamil

அதில் தமிழகத்தில் ஒரே நாளில் இதுவரை இல்லாத அளவுக்கு 1,458 பேர் கொரோனாவால் பாதிக்கப்பட்டுள்ளனர். மற்ற மாநிலங்கள், வெளிநாடுகளிலிருந்து ரயில் மற்றும் விமானம் மூலம் வந்தவர்கள் 38 பேராவர். இதனால் தமிழகத்தில் பாதிப்பு எண்ணிக்கை 30 ஆயிரத்தை தாண்டியது. தமிழகத்தில் கொரோனாவுக்கு 19 பேர் பலியாகிவிட்டனர். அவர்கள் அனைவரும் சென்னையை சேர்ந்தவர்களாகிவிட்டனர்.

இவர்களில் பெரும்பாலானோர் நுரையீரல் தொடர்பான நோய்களால் இறந்துள்ளனர். மேலும் மாரடைப்பு, கோவிட் நிமோனியா, நுரையீரல் கோளாறு, செப்டிக் ஷாக், வயிற்றில் உள்ள சிறிய பெரிடோனியம் திசுவில் ஏற்படும் அழற்சி காரணமாகவும், நாள்பட்ட சிறுநீரக கோளாறு உள்ளிட்டவற்றால் இறந்துள்ளனர்.

இவர்கள் மருத்துவமனைகளில் அனுமதிக்கப்பட்டு அதிகபட்சமாக ஒரு வாரங்களில் இறந்துள்ளனர். இறந்தவர்களில் பெரும்பாலானார் 50 வயதை கடந்தவர்களே. அதைவிட குறைவானர்கள் ஓரிருவர் மட்டுமே உள்ளனர். தற்போது ஊரடங்கில் பல தளர்வுகளை அளித்துள்ள நிலையில் கொரோனா நோயாளிகளின் எண்ணிக்கை அதிகரித்திருப்பது அதிர்ச்சியை ஏற்படுத்தியுள்ளது.

தமிழகத்தில் இந்த மாத இறுதிக்குள் கொரோனாவால் பாதித்தோர் எண்ணிக்கை 1.32 லட்சத்தை தாண்டும் என எம்ஜிஆர் பல்கலைக்கழக ஆய்வறிக்கையில் தெரிவிக்கப்பட்டுள்ளது. அது போல் ஜூலை 15-ஆம் தேதிக்குள் சென்னையில் 1.5 லட்சம் ஆகும் என்றும் கணித்துள்ளது. கொரோனா சமூக பரவல் நிலைக்கு சென்றுவிட்டதாகவே மருத்துவ நிபுணர்கள் கூறுகிறார்கள்.