மெட்ராஸ் இந்திய தொழில்நுட்ப நிறுவனம் (IIT Madras), பிஎஸ்சி டேட்டா சயின்ஸ் படிப்பிற்கான விண்ணப்ப சாளரத்தைத் திறந்துள்ளது. +1, +2 மாணவர்கள், கல்லூரி மாணவர்கள் மற்றும் பணிபுரியும் வல்லுநர்கள் என அனைவரும் இந்த திட்டத்திற்கு பதிவு செய்யலாம். ஆர்வமுள்ள விண்ணப்பதாரர்கள் ஏப்ரல் 25 ஆம் தேதிக்குள் ஆன்லைன் மூலம் விண்ணப்பிக்க வேண்டும். இதற்கு விண்ணப்பக்கட்டணமாக ரூ. 3000 செலுத்த வேண்டும்.
ஐஐடி மெட்ராஸின் அதிகாரப்பூர்வ தகவலின்படி, “IIT மெட்ராஸ் B.Sc இன் புரோகிராமிங் மற்றும் டேட்டா சயின்ஸ் திட்டத்தில் சேர்க்கை இப்போது 11 மற்றும் 12 ஆம் வகுப்பு மாணவர்களுக்குத் திறக்கப்பட்டுள்ளது. இதற்கு, கல்லூரி மாணவர்கள், பணிபுரியும் வல்லுநர்கள் மற்றும் வேலையில் ஓய்வு எடுப்பவர்களும் விண்ணப்பிக்கலாம்” என தெரிவித்துள்ளது.
இன்னொரு சுவாரஷ்யமான விஷயம் என்னவென்றால், அனைவருக்கும் கற்கும் வாய்ப்பை வழங்குவதற்காக IIT மெட்ராஸ் சேர்க்கைக்கான எண்ணிக்கைக்கு வரம்பு வைக்கவில்லை. இத்திட்டத்திற்கு விண்ணப்பிக்க தகுதியுடைய அனைவரும், விண்ணப்பிக்கலாம் எனவும் அதில் தெரிவிக்கப்பட்டுள்ளது.
BSc புரோகிராமிங் மற்றும் டேட்டா சயின்ஸ் திட்டத்தில் சேர்வதற்கான தகுதி என்ன?
1. JEE அட்வான்ஸ்டு 2021 க்கு தகுதியான அனைவரும் மே, 2022 இல் நேரடியாக இந்த BSc திட்டத்தில் சேரலாம்.
2. மே 2022-க்குள் பதினொன்றாம் வகுப்பை முடிக்கும் மாணவர்கள் அல்லது தற்போது பன்னிரண்டாம் வகுப்பு படிப்பவர்களும் இதற்கு விண்ணப்பிக்கலாம்.
இந்த திட்டத்தில் ஆர்வமுள்ள விண்ணப்பதாரர்கள் மற்ற தகுதி அளவுகோல்களும் இருப்பதைக் கவனிக்க வேண்டும். இந்த படிப்பைப் பற்றி மேலும் தகவலுக்கு onlinedegree.iitm.ac.in. என்ற இணைய இணைப்பை பார்வையிடவும். ஆர்வம் உள்ள மாணவர்கள் இங்கே கிளிக் செய்வதன் மூலம் ஆன்லைன் சேர்க்கைக்கான நேரடி இணைப்பை பெறலாம்.
இது குறித்து பேசிய பேராசிரியர் டாக்டர். விக்னேஷ் முத்துவிஜயன், “IIT மெட்ராஸ் புரோகிராமிங் மற்றும் டேட்டா சயின்ஸ் உலகத்திற்கான கதவைத் திறக்கிறது. எந்த பின்னணியில் இருந்தும் எந்த வயதினருக்கும் இந்த பாடத்திட்டத்தில் கலந்துகொள்ளலாம். தகுதியுள்ள மாணவர்களுக்கு இதற்காக உதவித்தொகையும் கிடைக்கும். ஐஐடி மெட்ராஸ் ஆண்டு குடும்ப வருமானத்தின் அடிப்படையில் 75 சதவிகிதம் வரை கட்டணத் தள்ளுபடியையும், CSR கூட்டாளர்கள் மூலம் கூடுதல் உதவித்தொகைகளையும் வழங்குகிறது.
விண்ணப்ப செயல்முறை நான்கு வார பயிற்சியை உள்ளடக்கியது. இதில் வீடியோ விரிவுரைகள், வாராந்திர பணிகள், கலந்துரையாடல் மன்றம் மற்றும் பேராசிரியர்கள் மற்றும் பாட பயிற்றுவிப்பாளர்களுடன் நேரடி தொடர்புகள் ஆகியவை அடங்கும். விண்ணப்பதாரர்கள் தகுதித் தேர்வை நேரில் எழுத வேண்டும், இது இந்த நான்கு வார உள்ளடக்கத்தை மட்டுமே அடிப்படையாகக் கொண்டது மற்றும் அவர்கள் குறைந்தபட்ச கட்-ஆஃப் பெற்றால், அவர்கள் BSc இன் புரோகிராமிங் மற்றும் டேட்டா சயின்ஸின் அடித்தள மட்டத்தில் சேரலாம்.
இந்த திட்டம், கற்பவரின் வசதியை மனதில் கொண்டு மிகவும் நெகிழ்வானதாக உள்ளது. இதில் வாராந்திர உள்ளடக்கம் எப்போது வேண்டுமானாலும் அணுகுவதற்கு ஒரு போர்ட்டலில் வெளியிடப்படுகிறது. அதே நேரத்தில் அனைத்து தேர்வுகளும் இந்தியா முழுவதும் 130-க்கும் மேற்பட்ட நகரங்களில் நியமிக்கப்பட்ட மையங்களில் நேரில் கலந்து கொள்ள வேண்டும். கற்றல் மதிப்பீட்டின் நம்பகத்தன்மையை உறுதிப்படுத்துகிறது.
Source: https://tamil.samayam.com/education/news/iit-madras-to-offer-online-degree-in-b-sc-data-science-for-class-11-12-students-check-full-details-here/articleshow/90606704.cms
