இவரின் கேட்டரிங் நிறுவனம் ஏற்கெனவே பல உலகளவிலான விளையாட்டுப் போட்டிகளுக்கும் குறிப்பாக ஐபிஎல், இந்திய கால்பந்து சூப்பர் லீக், உலகளவிலான குத்துச் சண்டை போட்டிகள் போன்றவற்றிற்கு கேட்டரிங் செய்து பெயர்பெற்றது. மேலும், கேட்டரிங் தொடர்பாக மன்விரின் ‘Catering Your Way to Financial Independence’ எனும் புத்தகம் பெரிதும் பேசப்பட்டது.
அந்தவகையில் நடந்து முடிந்த இந்த ‘2023 இந்திய ஓபன் சூப்பர் 750 பேட்மிண்டன்’ தொடரில் பங்குபெற்ற மேற்கு ஐரோப்பிய முதல் கிழக்கு ஆசியா வரையிலுமான பல்வேறு நாடுகளைச் சேர்ந்த பேட்மிண்டன் வீரர்களுக்கு அவர்களுக்குப் பிடித்த பலவிதமான உணவுகள் சிறந்த முறையில் ஏற்பாடு செய்து வழங்கியது மன்விர் சிங் ஆனந்தின் கேட்டரிங் நிறுவனம்.
இதுபற்றி பேசிய அவர், “எங்களுக்குக் கொடுக்கப்பட்ட அறிவுறுத்தல்களின்படி, நாங்கள் உணவிற்கான மெனுவைக் கவனமாக தயார் செய்து பறிமாறினோம். விளையாட்டு வீரர்களுக்குப் பரிச்சையமான, அவர்களுக்குப் பிடித்தமான சுவைக்கேற்ப ஊட்டச்சத்து நிறைந்த உணவுகளை அவர்களுக்கு பிரத்யேகமான முறையில் செய்து வழங்கினோம். உலகம் முழுவதிலுமிருந்து வரவழைக்கப்பட்ட சிறந்த பொருட்களைக் கொண்டு அதைச் செய்தோம். அதனால் வீரர்கள் உணவை சிறந்த முறையில் எடுத்துக் கொண்டனர்.
Source: https://news.google.com/__i/rss/rd/articles/CBMikwFodHRwczovL3d3dy52aWthdGFuLmNvbS9uZXdzL3Nwb3J0cy1uZXdzL2NoZWYtZnJvbS1jaGVubmFpLWZvci1zaW5kaHVzLWN1cmQtcmljZS10b21hdG9lcy1zb3VyY2VkLWZyb20taXRhbHktZm9yLXBhc3RhLWNhdGVyaW5nLXRvLXNodXR0bGVycy10YXN0ZXPSAZ0BaHR0cHM6Ly93d3cudmlrYXRhbi5jb20vYW1wL3N0b3J5L25ld3Mvc3BvcnRzLW5ld3MvY2hlZi1mcm9tLWNoZW5uYWktZm9yLXNpbmRodXMtY3VyZC1yaWNlLXRvbWF0b2VzLXNvdXJjZWQtZnJvbS1pdGFseS1mb3ItcGFzdGEtY2F0ZXJpbmctdG8tc2h1dHRsZXJzLXRhc3Rlcw?oc=5
